Çoxömürlülər

Əfsanələrə görə, gizli “ölümsüzlük eliksiri”ni tapıb onu içməklə uzun ömür sürmüş insanlar da olub. Mən fəxr edirəm ki, bu siyahıda Azərbaycanlı da var. Buyurun, bu da siyahı:

• Yunan kahini və antik şairi Epimenud öz ömrünü 300 ilə qədər uzatmağı bacarmışdı.
• Böyük Priniy əlyazmalarında 500 il yaşamış illiriyalı kişidən bəhs edilir.
• Yepiskop Alen de Lipse 1218-ci ildə 89 yaşında ikən bir suyu içməklə ömrünü 70 il uzatmışdı.
• 1680-1933-cü illərdə yaşamış Li Çunyun 254 yaşına kimi yaşamış və 24 dəfə evlənmişdi.
• Azərbaycanda, Lənkəran rayon sakini Şirəli Müslümov (1805-1973) 168 il yaşamaqla keçmiş SSRİ-də rekord göstəricisi vurmuşdu və bütün Sovetlər İttifaqı bu faktla fəxr edirdi.
• Çinin adi kəndli qadını Lo Masenin 1990-cı ildə 130 yaşı tamam olmuşdu. O, 200 il yaşamağı qarşısına məqsəd qoysa da, 134 yaşında vəfat etmişdi. Ömrünün son 62 ilini o, aktiv həyat tərzi keçirmişdi, tütün çəkir və gündə 2 stəkan düyü arağı içirdi. Qadın məhz bu düyü arağını “cavanlıq eliksiri” adlandırırdı. Bu adi araq deyildi. Onun tərkibi çox mürəkkəbdir. İçində 40-a yaxın ot və bitki, qurudulmuş mineral, ilan və kərtənkələnin müxtəlif orqanları var.
• Roma papası Bonifasiyanın şəxsi həkimi “ölümsüzlük eliksiri”nin resepti barədə belə yazmışdı: “Siz əbədi yaşayacaqsınız”. Onun resepti isə tərkibinə görə çox maraqlıdır: “Qızıl, mirvari, sapfir və zümrüdü toz halına salıb qarışdirin. Bura rubin, topaz, korall, fil sümüyü, səndəl ağacı, əzvay kökü, müşk, ənbər və mütləq maral ürəyi əlavə edilməlididir. Bu sehirli eliksirdən müəyyən miqdarda qəbul etməklə 200-300 il yaşamaq mümkündür.
• Görücü Artur Klark insanın ölümsüzlüyə qovuşacağı tarixi əvvəlcədən görüb: 2090-cı il.
• Hal-hazırda uzunömürlülük göstəriciləri o qədər də ürəkaçan deyil. İnsanlar 80-90 yaşında ölənlərə bəxtəvərlik verirlər. Müasir insanları, deyəsən, ölümsüzlüyə qovuşmaq, sağlam orqanizmə sahib olub, uzun ömür sürmək az maraqlandırır.