“Xəsis” bloggerlərimiz

          Artıq ölkəmizdə blog dalğası kifayət qədər genişlənib. Şəxsi kompyuteri olan insanlar, əsasən də gənclər özlərinə blog yaradırlar. Bu müsbət haldı. Fərqli insanların fərqli fikirlərini bilmək maraqlıdır mənə də hamı kimi. Amma çox təəssüf ki, yazılmış bir post haqqında yalnız yazarın fikrini bilirsən. Nədənsə xəsis bloggerlərimizin şərh yazmaqla arası yoxdu, deyəsən. Elə bil söz verirlər özlərinə ki, şərh yazmayacıq. Birdən həmin blogun hiti mənimkindən çox olar. Birdən mən onun postuna şərh yazaram, o mənimkinə yazmaz. Birdən yuxarı olar reytinqdə mənə nisbətdə.nBirdən oxucusu çox olar. Bilmirəm nədəndir, amma heç kim şərh yazmaq istəmir. Bəlkə də yazası sözləri yoxdur, bəlkə də deyəsi fikirləri yoxdu. Amma bəlkə. Bəlkələr çox ola bilər. Hər şey mümkündür. 2 aydır yaranmış blogumun hiti 300-ü keçsə də, cəmi 7 şərh var, onun da birini şərh saymaq olmaz. Bu tək məndə belə deyil. WordPress-də əksər Azərbaycan blogları da bu vəziyyətdədir. Təkcə Raufrayin blogundan başqa. Bunun da obyektiv və subyektiv səbəbləri var. Axı şərhsiz blogun nə ləzzəti var?! Əgər mövzulara fərqli fikir, əks arqument görmürüksə, fikir mübadiləsi yoxdusa, onda bloglar niyə internetdə yayımlanır, hərənin öz şəxsi gündəliyi kimi gizli qalsın da. Yəni ki, paylaşası zərrə qədər də olsa, fikrimiz yoxdur?! Cavab – bəlkə də. Yenə də bəlkə. Bəlkə də bəlkələr daha obyektiv yanaşma olardı. Nəysə, gəlin simicliyin daşını ataq,ay xəsis bloggerlər. Gəlin bir az aktiv olaq və virtual həyatımızı daha maraqlı edək!